နိုင်ငံတော်အစိုးရ၏ ကုန်သွယ်လုပ်ငန်းခွန်ဆိုင်ရာ မူဝါဒ

၂၀၁၆ ခုနှစ် ဇန်နဝါရီလ ၂၅ ရက်တွင် ပြည်ထောင်စုသမ္မတ မြန်မာနိုင်ငံ ၏ ပြည်ထောင်စုလွှတ်တော်မှ အတည်ပြုပြဋ္ဌာန်းထားသည့် ၂၀၁၆ ခုနှစ် ၊ ပြည်ထောင်စု၏ အခွန်အကောက်ဥပဒေ ၊ အခန်း (၆) ပုဒ်မ ၁၄ (ခ) အရ အင်တာနက်ဝန်ဆောင်မှု လုပ်ငန်းများတွင် သုံးစွဲသူများအားလုံးသည် ကုန်သွယ်လုပ်ငန်းခွန် ၅ ရာခိုင်နှုန်းကို ၂၀၁၆ ခုနှစ် ဧပြီလ ၁ ရက်မှ စတင်ပြီး ပေးဆောင်ရပါမည်။ ထို့ကြောင့် မိုဘိုင်းအော်ပရေတာများမှ ကုန်သွယ်လုပ်ငန်းခွန် ကောက်ခံသည့်ပုံစံအတိုင်း မြန်မာနက်မှလည်း အင်တာနက်ငွေဖြည့်ကတ် ဝယ်ယူမှုတွင် ကုန်သွယ်လုပ်ငန်းခွန်ကို ထည့်သွင်းကောက်ခံပြီး သုံးစွဲသူများကိုယ်စား ပြည်ထောင်စုမြန်မာနိုင်ငံ အစိုးရသို့ ပေးသွင်းသွားမည် ဖြစ်ကြောင်း လေးစားစွာဖြင့် အသိပေးကြေညာအပ်ပါသည်။ မြန်မာနက်အနေဖြင့် သုံးစွဲသူများ အဆင်ပြေစေရန်အတွက် အတတ်နိုင်ဆုံး ဈေးနှုန်းများကို လျော့ချ၍ တွက်ချက်ပေးထားပါသည်။ 

ဥပမာအားဖြင့် 
- Prepaid အစီအစဉ်တွင် မြန်မာနက်ငွေဖြည့်ကတ် ၁၀၀၀ တန်ဝယ်ယူ ဖြည့်သွင်းပါက သုံးစွဲသူ၏ အကောင့်ငွေစာရင်းတွင် ၉၅၂ ကျပ် စာရင်းဝင်မည်ဖြစ်ပြီး ၄၈ ကျပ်ကို ကုန်သွယ်လုပ်ငန်းခွန် အဖြစ် ပြည်ထောင်စုမြန်မာနိုင်ငံအစိုးရသို့ ပေးသွင်းရပါမည်။
- Postpaid အစီအစဉ်အတွက် လစဉ်ငွေတောင်းခံလွှာများတွင် ကုန်သွယ်လုပ်ငန်းခွန် ၅ % ကို ထည့်သွင်း ကောက်ခံသွားမည်ဖြစ်ပြီး ဧပြီလမှ စတင်ပါမည်။